აღნიშნული გადაწყვეტილება მოსამართლე ბესიკ ბუგიანიშვილმა დღეს გამოაცხადაა. თეთრაძის საქმე რამდენიმე ეპიზოდს მოიცავდა, მათ შორის არსებობს პატიმარ ჩიკვაიძის წამების ეპიზოდი. ჯამში ყველა ეპიზოდზე ბრალდება წარდგენილი ჰქონდა 13 პირს. ჩიკვაიძის ეპიზოდე 6 წლით თავისუფლების აღკვეთა მიესაჯათ თორნიკე გუნავას, ზვიად კაპანაძეს და სერგო ბიწაძეს. გამამართლებელი განაჩენი იქნეა გამოტანილი ალექსანდრე კუჭუაშვილის, მერაბ მეტრეველი, მამუკა წურწუმიას და გიორგი სამუშიას მიმართ.

მოსამართლის გადაწყვეტილებით, თეთრაძის საქმეში დამნაშავედ იქნა ცნობილი ოლეგ ფაცაცია და ვიქტორ ყაჭეიშვილი, ასევე ძებნაში მყოფი ალექსანდრე მუხაძე, რომელსაც დაუსწრებლად 9 წლით თავისუფლების აღკვეთა შეეფარდა. საქმეში ბრალდებულ კოხტა კოდუას კი, რომელიც ასევე ძებნილად ითვლება, 6 წლით თავისუფლების აღკვეთა შეეფარდა. მოსამართლის დღევანდელი გადაწყვეტილების გამამართლებელი ნაწილი, როგორც საქმის პროკურორმა რევაზ ნადოიმ განაცხადა, სააპელაციო სასამართლოში გასაჩივრდება. პოლკოვნიკი სერგო თეთრაძე, ჯაშუშობის ბრალდებით, 2011 წლის 19 სექტემბერს დააკავეს, 25 სექტემბერს იგი გლდანის ციხეში გარდაიცვალა.

მეგის ქარდავა, რომელიც სერგო თეთრაძის წამების ეპიზოდში გამართლდა, საქმის კიდევ ერთ ეპიზოდზე 9 წლით თავისუფლების აღკვეთა მიესაჯა.