ჩვენ, საქართველოს არასამთავრობო ორგანიზაციები და სამოქალაქო საზოგადოების წარმომადგენლები, ღრმად ვართ შეშფოთებული იმ ძალადობით, რომელიც მიმართულია უკრაინელი ხალხის თავისუფალი და ძლიერი სულისკვეთების წინააღმდეგ და რომლებიც იცავენ თავისუფლებასა და ევროპულ მისწრაფებას.

უკრაინელი და ქართველი ხალხები ისტორიულად ევროპული ერები ვართ, რომლებმაც გავიზიარეთ ტრაგიკული და სასტიკი საბჭოთა ოკუპაცია. ჩვენი საერთო წარსული გვაიძულებს გავაერთიანოთ ჩვენი ძალისხმევა ევროპული მომავლის დასაცავად. მოსკოვის პოზიცია უკრაინის ევროპულ ინტეგრაციაზე რუსეთის ამბიციების კიდევ ერთი მორიგი დემონსტრირებაა, რათა ევროპაში გამყოფი ხაზები შექმნას. ამიტომაც ჩენ გვსურს შევუერთდებთ ჩვენს უკრაინელ კოლეგებს იმისათვის, რომ რუსეთს არ მიეცეს ჩვენი ქვეყნების ევროპული მომავალის ძალადობრივად შემოტრიალების საშუალება.

გამოვხატავთ რა ჩვენს სოლიდარობას, ამ მძიმე დროს მზად ვართ უკრაინელ საზოგადოებრივ ორგანიზაციებს შევთავაზოთ საკუთარი პროფესიული და ინტელექტუალური შესაძლებლობები. კერძოდ:

ჩვენი გამოცდილების და ცოდნის გაზიარება სხვადასხვა სფეროში,

საერთაშორისო კომუნიკაციაში ხელშეწყობა,

იურიდიული ექსპერტიზის უზრუნველყოფა შესაბამის საკითხებზე,

უკრაინული სამოქალაქო საზოგადოების მხარდაჭერა ყოველდღიური გამოწვევების გადასაწყვეტად,

არსებული პოლიტიკური კრიზისად, ცივილიზებულად და მშვიდობიანად გამოსვლის გზების ძიებაში რჩევების მიცემა.

გულწრფელად გვჯერა, რომ სოლიდარობა ამ ვითარებაში იმის გარანტი იქნება, რომ ევროპული ღირებულებები და ჩვენი ღრმა რწმენა თვისუფლების, მშვიდობისა და დემოკრატიის მიმართულებით გაიმარჯვებს.

განცხადებას ხელს აწერენ:

საქართველოს რეფორმების ასოციაცია (GRASS), საქართველოს დემოკრატიული ინიციატივა (GDI), საქართველოს სტრატეგიული კვლევების ინსტიტუტი (FISS), საერთაშორისო საზოგადოება თავისუფალი და დემოკრატიული არჩევნებისთვის (ISFED), საქართველოს ახალგაზრდა იურისტთა ასოციაცია (GYLA), სამოქალაქო განვითარების სააგენტო (CiDa), საერთაშორისო გამჭირვალობა (TI), კონსტიტუციის 42-ე მუხლი, ტოლერანტობის და მრავალფეროვნების ინსტიტუტი (TDI), მშვიდობის, დემოკრატიის და განვითარების კავკასიური ინსტიტუტი (CIPDD), სახალხო მოძრაობა ივერია, მედიის განვითარების ფონდი, ფონდი ALPE, ევროპულ ღირებულებათა ქართული ინსტიტუტი (GIEV), საქართველოს ატლანტიკური საბჭო, სამოქალაქო განლათლების ფონდი, მედიაჰოლდინგი ტაბულა, თბილისის პოლიტიკის ანალიზის ცენტრი, პოლიტიკის შესწავლის საერთაშორისო ცენტრი, თანამშრომლობა ადამიანიას უფლებებისთვის, გაერთიანება საპარი, იდენტობა, ფსიქოტრამვების ქართული საზოგადოება.

პიროვნებები:

თამარ გურჩიანი (იურისტი), ნინია კაკაბაძე (ჟურნალისტი), დათო ტურაშვილი (მწერალი), ოთარ კახიძე (იურისტი), ირაკლი აბსანძე (ჟურნალ ლიბერალის მთავარი რედაქტორი), ნინო ბეკიშვილი (ჟურნალისტი), ნინო მუსერიძე (Frontline Georgia Club), გრიგოლ ვაშაძე (დიპლომატი), იანა (დარეჯან) ჯავახიშვილი (ფსიგოლოგი), ეკა კვესიტაძე (ჟურნალისტი), ქეთი დევდარიანი (სცენარისტი), გიორგი ლიფონავა (რეჟისორი), მიშა მშვილდაძე (პროდიუსერი), ზვიად გუმბარიძე (პროდიუსერი), ლევან ღამბაშიძე (GFSIS), დავით პაიჭაძე (ჟურნალისტი), ვატო ლეჟავა (კონსტულტანტი).

27.01.2013