დღეს, 24 იანვარს, საერთაშორისო არასამთავრობო ორგანიზაცია “ქართველ სტუდენტთა მსოფლიო გაერთიანება” განათლების სამინისტროსა და თიბისი ბანკის მხარდაჭერით, უცხოეთში განათლების მიღების მსურველთათვის თიბისი გალერეაში კონფერენციას გამართავს.

კონფერენციაზე სტუდენტებს საშუალება ექნებათ, გაიგონ თუ რა არის საჭირო უცხოეთის საუკეთესო უნივერსიტეტებში მოსახვედრად და სტიპენდიის მოსაპოვებლად.

ღონისძიებაში სხვადასხვა საერთაშორისო ფონდები და ორგანიზაციები მიიღებენ მოაწილეობას.

კონფერენციაზე დასასწრებად რეგისტრაცია სხვადასხვა უნივერსიტეტებიდან 500 -მდე ქართველმა სტუდენტმა გაიარა.

კონფერენცია 17:00 საათზე დაიწყება.