ელჩები საგანგებო განცხადებას ავრცელებენ.

"მხედველობაში ვიღებთ 2013 წელს მაუწყებლობის შესახებ კანონში ცვლილებების მიღებას, რომელიც საზოგადოებრივი მაუწყებლის სამეურვეო საბჭოს შერჩევის საკითხს არეგულირებს. მიგვაჩნია, რომ კანონი ახლა ისე უნდა განხორციელდეს, რომ საზოგადოებრივ მაუწყებელში პროფესიონალური და დამოუკიდებელი სამეურვეო საბჭო დაინიშნოს და ქართული მედიაგარემო კიდევ უფრო გაძლიერდეს.

პარლამენტის მიერ შექმნილმა შერჩევითმა კომიტეტმა კანდიდატები განიხილა და 27 კანდიდატის სია გამჭვირვალედ და ზედმიწევნით, კანონის მოთხოვნების შესაბამისად შერჩია. მაშინ, როცა მსოფლიო მოელის საქართველოსგან, რომ მან პლურალიზმის, მედიის თავისუფლების და გამჭვირვალობის დემოკრატიული იდეალები დაიცვას, ჩვენ მოუთმენლად ველით პარლამენტის მიერ შერჩევის პროცესის დასრულებას, როგორც ეს კანონითაა გათვალისწინებული”, - ნათქვამია ერთობლივ განცხადებაში.