ახალი წლის შემდეგ საქართველოს რამდენიმე ქალაქში დაფუძნდა სამოქალაქო საინიციატივო ჯგუფები "დამოუკიდებლობისა და ევროინტეგრაციისათვის". მათი ძირითადი ამოცანა - საქართველოს სახელმწიფოებრიობის და დამოუკიდებლობის შესახებ საინფორმაციო შეხვედრების და დისკუსიების გამართვა რეგიონში, ადგილობრივ თემში დამოუკიდებლობისათვის დღეს არსებულ საფრთხეებზე სათანადო ინფორმაციის მიწოდება იქნება. თავდაპირველად, ასეთი ინიციატივა გორში გაჩნდა და პირველი ორგანიზაცია იქ უკვე 10 იანვარს დაარსდა.

ჯგუფები, რომელიც მას შემდეგ ხაშურში, ქუთაისში, ზუგდიდში და თელავში დაარსდა, არაპარტიული დამოუკიდებელი გაერთიანებებია.

წინა კვირაში თბილისში გამართულ შეხევდრაზე, რომელსაც რამოდენიმე არასამთავრობო ორგანიზაციის წარმომადგენელი ესწრებოდა, გადაწყდა უფრო ფართომასთაბიანი შეხვედრის ჩატარება, რათა ყველა ამ პრობლემით დაინტერესებულ ჯგუფის აზრი იქნას გათვალისწინებული.

დღეს 21 იანვარს, 18.00 საათზე ეროვნული ბიბლიოთეკის საკონფერენციო დარბაზში (ფურცელაძის ქ. 7) თბილისის სააინიციატივო ჯგუფი დაფუძნდება.

როგორც მოძრაობის ერთერთმა დამფუძნებელმა ანდრო ბარნოვმა აღნიშნა: „საქართველო ევროპული ორიენტაციის შენარჩუნება მხოლოდ სამოქალაქო აქტიურობითაა შესაძლებელი. საქართველოს ასე ძნელად მოპოვებულ და შენარჩუნებულ დამოუკიდებლობას და მისი ევრიპულ კურსს ახლა საფრთხე ემუქრება“.