ისინი დაბალპროცენტიან და გრძელვადიან სესხების გაცემას მოითხოვენ და ხელისუფლებას წინასაარჩევნო დაპირებას ახსენებენ.

"ჩვენ ვართ იპოთეკით დაზარალებული მოსახლეობა, ძალიან ცუდ დღეში ვართ. გვიპირებენ საკუთარი სახლებიდან გამოსახლებას, ჩვენს უკან ჩვენი ოჯახები დგანან. საქართველოს ისედაც ბევრი ლტოლვილი ჰყავს და ჩვენც მათ ბედს ნუ გვაზიარებენ.

ჩვენ მოვითხოვთ მთავრობისაგან დაბალ პროცენტიან და გრძელვადიან სესხებს, რათა არც ის ადამიანები ჩავარდნენ ცუდ დღეში ვისგანაც ჩვენ ფული გვაქვს აღებული და არც ჩვენ. ამ მთავრობას იმიტომ მივეცით ხმა, რომ გვპირდებოდნენ არც გაჭირვებული, არც უსახლკარო არ უნდა ყოფილიყო. პენსიები და სოციალური დახმარებები უნდა გაზრდილიყო, მაგრამ რა შედეგი, არაფერი" - განაცხადა იპოთეკით დაზარალებულმა ცირა მერებაშვილმა.