გორის ადმინისტრაციული შენობის წინ ასეულობით მოვაჭრე შეიკრიბა. ამ წუთებში ბაზრის საინიციატივო ჯგუფის წარმომადგენლები, სამარშუტო ტაქსების მობილიზებას აკეთებენ, რის შემდეგაც გორის აგრარული ბაზრის მოვაჭრეების პროტესტი თბილისში გაგრძელდება.

მოვაჭრეები "ნიუპოსტთან" საუბრისას ამბობენ, რომ ბაზრის წმინდაწყლის დასახლებაში გადატანას ამიერიდან დედაქალაქში კანცელარიასთან გააპროტესტებენ. მოვაჭრეებთან ერთად იმყოფება "ლეიბორისტული პარტიის" ლიდერი შალვა ნათელაშვილი რომელიც ხელისუფლებას უმოქმედობაში ადანაშაულებს და მოვაჭრეებს მხარში დგომას ჰპირდება.

მოვაჭრეებთან ერთად იმყოფება პარტია "მომავალი საქართველოს თავმჯდომარე" გიორგი ლაღიძეც. მოვაჭრეებს იმედი აქვთ, რომ თბილისში აქციების გამართვის შედეგად პრემიერ-მინისტრ ირაკლი ღარიბაშვილის ყურადღებას მიიქცევენ.