გორში მოვაჭრეებსა და არაბ ინვესტორს შორის შეთანხმება ჯერჯერობით არ შედგა. ამ წუთებში გორის ცენტრში აქცია კვლავ გრძელდება.

გორის გამგეობაში არაბ ინვესტორსა და გორის ბაზრის მოვაჭრეებს შორის უკვე ექვსი საათია მიმდინარეობს. ბაზრის ტერიტორიაზე დასაქმებულები ინვესტორებისგან პირობების შეცვლას და ძველი ბაზრის ტერიტორიაზე დარჩენას ითხოვენ. წინააღმდეგ შემთხვევაში კი რადიკალური ზომებით იმუქრებიან.

თუ მოლაპარაკება ინვესტორთან უშედეგოდ დასრულდება, აქციის მონაწილეები დემონსტრაციების ჩატარებას თბილისში აპირებენ. ხვალ იწურება ვადა, რომლის მიხედვითაც ბაზრის ტერიტორია მოვაჭრეებმა უნდა დატოვონ.