გლაზგოს შოტლანდიური უნივერსიტეტის ფსიქოლოგებმა ცდები ჩაატარეს და დაასკვნეს, რომ მუსიკას ტკივილგამაყუჩებლის ფუნქციის შეთავსება შეუძლია. ლაბორატორიული კვლევის მიმდინარეობისას, მეცნიერებმა მოხალისეებს სთხოვეს, ხელი ცივ წყალში ჩაედოთ იმდენხანს, რამდენხანსაც ეს შესაძლებელი იყო.

ერთ ჯგუფს ექსპერიმენტის დროს კომედიას აჩვენებდნენ, მეორეს - გონებაში ათვლევინებდნენ, ხოლო მესამეს – საყვარელი მუსიკის მოსმენის საშუალება მისცეს:

პანკი, როკი, ფოლკლორი, კლასიკა და ა.შ. სურვილის მიხედვით. გაირკვა, რომ მუსიკის მსმენელებმა ყველაზე დიდხანს აიტანეს გაყინულ წყალში ხელის ტკივილი. ამიტომ მკვლევარები ვარაუდობენ, რომ მუსიკა ემოციურად ყველაზე ძლიერად იპყრობს ადამიანს და ამით დისკომფორტით გამოწვეულ შფოთს ანელებს და მოთმინებას ზრდის.