1- და 10-ლიტრიან ჭურჭელში დაფასოებული ერთი და იმავე მწარმოებლის წყალიც რომ შევადაროთ ერთმანეთს, ვნახავთ, რომ დიდ ბალონში ორგანიზმისთვის სასარგებლო ნივთიერების შემცველობა საკმაოდ დაბალია.

რა შედეგს მოიტანს ასეთი სასმელი წყლის სისტემატური გამოყენება?

მინერალებისგან გაწმენდილ წყალს შეუძლია ორგანიზმიდან ნორმალური ცხოველმყოფელობისთვის აუცილებელი ნივთიერებებიც გამოდევნოს (თუმცა, იდეალურ შემთხვევაში, პირიქით, უნდა შეჰქონდეს ისინი ორგანიზმში), - ამბობს ექიმი-თერაპევტი.

ამით, პირველ რიგში, იმუნური სისტემა ზარალდება, შემდეგ – ძვლები, თმა, კანი და ფრჩხილები. ნეგატიურად აისახება მაგნიუმისა და კალციუმის არარსებობა გულის კუნთის განვითარებაზეც.

რა თქმა უნდა, საუბარი 2-3 ჭიქა ჩაიზე არ არის. მაგრამ თუ ასე რამდენიმე წლის განმავლობაში იქცევი?!

“ქულერის” ჰიგიენა

ცოტას თუ უფიქრია, რომ “ქულერი” და მასზე დამაგრებული ბალონი (როგორც წესი, მათი მოცულობა - 19 და 23 ლიტრია) საგანგებო დამუშავებას ითხოვს – ეს ხომ მრავალჯერადი ტარაა:

გამოყენების შემდეგ მომწოდებელს მიაქვს ბალონი და ისევ წყლით ავსებს.

დისპენსერის სრული სანიტარული დეზინფექცია ნახევარ წელიწადში ერთხელ მაინც უნდა ტარდებოდეს, აქტიური გამოყენების დროს კი – უფრო ხშირად, თანაც კარგია, თუ კომპანიას მიაქვს და დეზინფექციას კონვეიერზე უკეთებს.

ეს პროცესი უნდა მოიცავდეს თითოული ბალონის ტუტიანი ხსნარით დამუშავებას მჟავური საშუალებით შემდგომი დეზინფექციის ჩათვლით. გავლება უნდა ხდებოდეს გასუფთავებული წყლით.

თუ ’’ქულერი’’ არასწორად ან არადროულად იწმინდება, ხოლო ბალონი ცუდად ირეცხება, აპარატის შიგნით ისეთი პროცესი ვითარდება, რომლის დროსაც პლასტიკურ კედლებზე მიკროწყალმცენარეები ჩნდება.

ისინი, თავის მხრივ, ტოქსინებს გამოყოფენ. სხვათა შორის, ანალოგიური პრობლემა მათაც ექმნებათ, ვინც სახლის მაგიდის დისპენსერებს იყენებს.

წყლის დაბინძურება შეიძლება თვითონ მომხმარებლის ბრალიც იყოს. ხშირია – ჰიგიენის პრობლემების გაუთვალისწინებლობა.

მაგალითად, უბრალოდ, ბალონის ბინძური ხელებით აღება. საქმე ისაა, რომ საცობი, რომლითაც პლასტიკური ბალონის აზიდვა შეიძლება, უშუალოდ წლის სადინრის ბუდეში იდგმება და ბაქტერიები პირდაპირ წყალში ხვდება.

eva.ge