გუშინ რუსეთის ფედერაციის შინაგან საქმეთა სამინისტრომ მოსკოვის სხვადასხვა რაიონში 10 არალეგალური სათამაშო კლუბი დახურა. სათამაშო კლუბების ყოველდღიური შემოსავალი 100 ათას რუბლს შეადგენდა.

რამდენიმე დღის წინ მოსკოვის პოლიციის უფროსი დააკავეს, გავრცელებული ინფორმაციის თანახმდა, სწორედ ეს უკანასკნელი მფარველობდა არალეგალურ სათამაშო ობიექტებს.

სამართალდამცავების ცნობით, სათამაშო კლუბების გარკვეული რაოდენობა საქართველოს მოქალაქეებს ეკუთვნოდა, მათი ყოველდღიური შემოსავალი კი 120 ათას რუბლზე ნაკლები არ იყო.

სპეცოპერაციის შედეგად სულ ამოღებული იქნა 300 სათამაშო აპარატი და ათობით კომპიუტერული ტექნიკა, რომელიც აზარტული თამაშებისთვის იყო განკუთვნილი. აღნიშნულ ინფორმაციას რუსული მედია ავრცელებს.