თბილისის საქალაქო სასამართლოში გელა ხვედელიძის სასამართლო პროცესი დაიწყო. ბრალდების მხარეს წარმოადგენდა პროკურორი ლევან ჩხენკელი.

პროკურატურამ სასამართლო სხდომაზე დააყენა შუამდგომლობა, სასამართლო პროცესის სრულად დახურვის თაობაზე, რასაც დაცვის მხარე დაეთანხმა.

სასამართლოს გადაწყვეტილებით, პროცესი სრულად დაიხურა. შინაგან საქმეთა მინისტრის ყოფილ მოადგილეს, გელა ხვედელიძეს ბრალი ედება გიორგი ფარესიშვილის პირადი ცხოვრების ამსახველი ვიდეო მასალების ინტერნეტ სივრცეში განთავსებაში, რის გამოც ის თანამდებობიდან გათავისუფლდა და მის წინააღმდეგ აღიძრა სისხლის სამართლის საქმე.

პროცესის დასაწყისში მოსამართლის კითხვაზე აღიარებს თუ არა იგი წარდგენილ ბრალს, გელა ხვედელიძემ უპასუხა, რომ ის ბრალს არ აღიარებს.