თბილისის პროკურატრურაში გოდერძი ჯოლოხავას დაკითხვა ღამის სამ საათამდე გაგრძელდა. დაკითხვიდან გამოსულ ჯოლოხავასა და მის ადვოკატს ჟურნალისტებისთვის კომენატრი არ გაუკეთებიათ.

ბაჩო ახალაიას საქმის მოწმემ ჩვენება რამდენჯერმე შეცვალა. თავდაპირველად ის ზეწოლაში ყოფილ მთავარ პროკურორსა და იუსტიციის მინისტრს ადანაშაულებდა შემდეგ კი ანალოგიურ ბრალდებებს ახალაიას გარემოცვას უყენებდა. ამ საკითხზე გამოძიება პროკურატურამ გუშინ დაიწყო კონკრეტული მიზეზები კი უწყების ოფიციალურ განცხადებაშია განმარტებული .

მასში ნათქვამია, რომ გამოძიების დაწყების საფუძველს წარმოადგენდა ბოლო დღეებში სხვადასხვა სატელევიზიო საშუალებებში გასული ინფორმაცია ყოფილი პატიმრის მიმართ, სხვადასხვა პირების მხრიდან ცრუ ჩვენების მისაცემად მის მიმართ განხორციელებული ზეწოლის ფაქტზე, ამჟამად საქმეზე მიმდინარეობს შესაბამისი საგამოძიებო მოქმედებები ობიექტური ჭეშმარიტების დასადგენად.