საქალაქო სასამართლოში მიმდინარე პროცესზე თავდაცვისა და შს ყოფილმა მინისტრმა ბაჩო ახალაიამ განაცხადა, რომ ვანო მერაბიშვილის მიმართ განხორციელებულ ზეწოლაზე არ არის გამოძიება დაწყებული და არც გაგა მკურნალიძეზე ზეწოლა იქნება გამოძიებული.

ახალაიას განმარტებით, მის წინააღმდეგ რვა ბრალდება არსებობს, თუმცა იგი არცერთ მათგანზე არ არის დაკითხული:

„გაგა მკურნალიძეზე ზეწოლა პროკურორმა რევაზ ნადოიმ განახორციელა და იგი მკურნალიძისგან ითხოვდა ახალაიას წინააღმდეგ მიეცა ჩვენება.

ჩვენს ქვეყანაში არ არსებობს სასამართლო. ჩემს წინააღმდეგ რვა ბრალდება არსებობს და არც ერთის ირგვლივ არ ვარ დაკითხული. მჯერა, რომ მკურნალიძეზე ზეწოლას არ გამოიძიებენ ისევე, როგორც ვანო მერაბიშვილის მიმართ ზეწოლა ამ დრომდე არ გამოუძიებიათ. მე გავასაჩივრებ ყველაფერს, სადაც გამამტყუნეს.

ჩვენ დაგვიკავშირდა რამდენიმე მოწმე, რომლებიც ამბობენ, რომ ჩემს წინააღმდეგ ჩვენება იმიტომ მისცეს, რომ მეტი გზა არ არსებობდა. ეს იქნება ახალი გარემოება, რის მიხედვითაც ჩვენ გავასაჩივრებთ ჩემს მიმართ გამოტანილ გამამტყუნებელ გადაწყვეტილებებს", - განაცხადა ბაჩო ახალაიამ.