საავტომობილო მოძრაობაზე შეზღუდვები ხაშური–ახალციხე–ვალეს საავტომობილო გზაზეც მოიხსნა. გზების დეპარტამენტის ცნობით , გზის აღნიშნულ მონაკვეთზე ყველა სახის ავტოტრანსპორტისათვის მოძრაობა თავისუფალია.

შეუზღუდავია ყველა სახის ავტოტრანსპორტისათვის მოძრაობა რიკოთის უღელტეხილზეც.

გზების დეპარტამენტის ინფორმაციით, თოვლისა და ლიპყინულის გამო, აკრძალვა ამ დრომდე მოქმედებს ქუთაისი-ტყიბული-ამბროლაურის საავტომობილო გზის კმ36-კმ56 მონაკვეთზე (ნაქერალას უღელტეხილი), სადაც აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა. ხოლო დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.