საქართველოს მთავრობამ სამუშაოს მაძიებელთა აღრიცხვა დაიწყო. მსურველებს დარეგისტრირება ვებგვერდზე - Worknet.gov.ge-ზე შეუძლიათ.

გავრცელებული ინფორმაციის თანახმად, პირველ ეტაპზე პროგრამაში ჩართვა, როგორც სამუშაოს არმქონე, ისე იმ პირებსაც შეეძლებათ, რომლებსაც სამუშაო უკვე აქვთ.

შრომის ბაზრის მართვის საინფორმაციო სისტემაში ასევე ჩაერთვებიან დამსაქმებლები, დამსაქმებლებსა და სამუშაოს მაძიებელ ადამიანებს შორის შუამავალი პირები. პროგრამის ფარგლებში სამუშაოს მაძიებელთა პროფესიული უნარების განვითარება და მათი გადამზადებაც იქნება შესაძლებელი. როგორც ცნობილია, რეგისტრაციის ვადები შეზღუდული არ არის.

სამუშაოს მაძიებელთა აღრიცხვის პროგრამა გასული წლის დეკემბრიდან დაიწყო და 2014 წლის განმავლობაში გაგრძელდება.