რუსეთის გენერალური პროკურატურა მიკაილ კადიევის ექსტრადიციას ითხოვს. აღნიშნულ ინფორმაციას კადიევის ადვოკატი, გელა ნიკოლეიშვილი ადასტურებს და დასძენს, რომ დიდია ალბათობა იმისა, რომ ქართული მხარე რუსეთის ფედერაციის მოთხოვნას დათანხმდეს.

პროკურატურის პოზიციის დასადგენად, „ნიუპოსტი“ აღნიშნული უწყების საზოგადოებასთან ურთიერთობის სამსახურის უფროსს, თემურ დოლიძეს დაუკავშირდა. დოლიძემ აღნიშნა, რომ კადიევს საქართველოს მხრიდან ლტოლვილის სტატუსის მინიჭების შესახებ განაცხადი აქვს შეტანილი და მისი ექსტრადაციის საკითხს პროკურატურა ლტოლვილთა სამინისტროს გადაწყვეტილების შემდეგ განიხილავს:

„მიკაილ კადიევს შეტანილი აქვს საქართველოს ლტოლვილთა და განსახლების სამინისტროში ლტოლვილის სტატუსის მინიჭების შესახებ განაცხადი, აღნიშნული გადაწყვეტილება ლტოლვილთა სამინისტრომ უნდა მიიღოს, მიანიჭებს თუ არა კადიევს ლტოლვილის სტატუსს, შემდეგ კი მათი გადაწყვეტილების საფუძველზე განიხილავს მთავარი პროკურატურა კადიევის ექსტრადაციის საკითხს“, - განაცხადა დოლიძემ „ნიუპოსტთან“ საუბრისას.