28 წლის ქალბატონი, რომელიც 4 წლის შვილთან და 18 წლის გიორგი მებონიასთან ერთად ქუჩაში მიდიოდა, მანქანა დაეჯახა. სამივე მათგანი გარდაიცვალა. შემთხვევის შემდეგ სამართალდამცავებმა წალენჯიხის გამგეობის თანამშრომელი კოკა კვარაცხელია და გიორგი მებონია დააკავეს, მებონია კი ორი დღის შემდეგ გაათავისუფლეს. აღნიშნულის გამო გარდაცვლილთა ახლობლებმა საპროტესტო აქცია გამართეს, ისინი მებონიას დაკავებას ითხოვდნენ.

აქციის მონაწილეები არც ჩატარებულ ექსპერტიზას ენდობოდნენ და განმეორებით მოკვლევას მოითხოვდნენ.მათივე განცხადებით, გიორგი მებონიას მისი ნათესავი შინაგან საქმეთა მინისტრის მოადგილე ლევან იზორია მფარველობდა. შინაგან საქმეთა სამინისტროში კი განაცხადეს, რომ მოსახლეობის მოთხოვნის საფუძველზე სამხარაულის სახელობის სასამართლო ექსპერტიზის ბიუროში ხელახალი ექსპერტიზა ჩატარდებოდა. განმეორებითი ექსპერტიზა ჩატარდა, გიორგი მებონია კი გუშინ კვლავ დააკავეს.