ამის შესახებ დღეს გამართულ პრესკონფერენციაზე გახდა ცნობილი. როგორც ჟურნალისტებს ლევან ბუაძემ და გიორგი ნოზაძემ ერთობლივ ბრიფინგზე განუცხადეს, მას შემდეგ, რაც ოთარ ფარცხალაძე მთავარ პროკურორად დაინიშნა, განსაკუთრებული უსამართლობა დაიწყო.

"ხდება თანამდებობის პირთა დაბარება და იძულება, რომ დაწერონ განცხადებები სამსახურიდან წასვლის შესახებ, ამაზე უარის თქმის შემთხვევაში ხდება ზეწოლა და დაშინება გენერალური ინსპექციით. გენერალური ინსპექცია ქმნის რაღაც დოკუმენტს, რომ საკუთარი პოზიცია გაამართლოს", - განაცხადა ლევან ბუაძემ.

ბუაძე უახლოეს მომავალში სასამართლოს მიმართავს, ხოლო გიორგი ნოზაძემ სარჩელი გუშინ უკვე შეიტანა.