ლესელიძეზე მდებარე საშაურმე დაიხურა. მას 1 000 ლარიანი ჯარიმა დაეკისრა. სურსათის ეროვნულმა სააგენტომ ობიექტის მფლობელებს რეკომენდაციები მისცა. სურსათის ეროვნული სააგენტოს თანამშრომლებმა გადაწყვეტილება კვების ობიექტის დათვალიერების შემდეგ მიიღეს.

როგორც მათ ჟურნალისტებთან საუბრისას აღნიშნეს, კვების ობიექტში არ იყო დაცული ჰიგიენის ნორმები, ასევე არასწორად ინახებოდა პროდუქტი.

კვების ობიექტი მხოლოდ მას შემდეგ განაახლებს მუშაობას, რაც დაკისრებულ ჯარიმას დაფარავს და მიღებულ რეკომენდაციებს შეასრულებს.

თბილისში შაურმით რამდენიმე ადამიანი მოიწამლა, მათ შორის ერთ ერთი ბავშვია. შაურმა, რომლითაც მოქალაქეები მოიწამლნენ თბილისში, ლესელიძის ქუჩაზე მდებარე საშაურმეში დამზადდა. მოწამლულები ამჟამად საავადმყოფოებში არიან გადაყვანილნი, მათი ჯანმრთელობის მდგომარეობა საშუალო სიმძიმისაა.