ქუთაისის საქალაქო სასამართლოში ვანო მერაბიშვილისა და ზურაბ ჭიაბერაშვილის საქმის არსებითი განხილვა დღეს 11:30 საათზე დაიწყება. პროცესზე ბრალდების მხარის ცხრა მოწმე დაიკითხება. მათგან 8 დასაქმების, ხოლო ერთი კვარიათის აგარაკის ეპიზოდზე.

მოწმეებს შორის დასაქმების ყოფილი მინისტრი, პაატა ტრაპაიძეც იქნება.

დღევანდელ პროცესს ვანო მერაბიშვილი სავარაუდოდ არ დაესწრება.

„პროკურატურის მიერ წარმოდგენილი 4 ათას კაციანი სიის სრულად ამოწურვას უკვე აზრი არ აქვს იმიტომ, რომ არა თუ წარდგენილი ბრალი ვანო მერაბიშვილისა და ჩემთვის არ დასტურდება, არამედ პირიქით, ბრალდების მხარის მიერ მოყვანილი მოწმეები ძალიან დეტალურად აღწერენ როგორ ხორციელდებოდა უმუშევართა აღწერის პროგრამა ქვეყნის მასშტაბით, რომ არ იყოს პოლიტიკური დევნა და შერჩევითი სამართალი პროკურატურამ საქმე უნდა გაიწვიოს“, - განცხადა ზურაბ ჭიაბერაშვილმა.