ქუთაისის საქალაქო სასამართლოში ვანო მერაბიშვილისა და ზურაბ ჭიაბერაშვილის სასამართლო პროცესი დღეს განახლდება.

სხდომა, რომელზეც დასაქმებისა და კვარიათის აგარაკის საქმეები განიხილება, 12 საათზე დაიწყება. პროცესზე ბრალდების მხარის მოწმეები დაიკითხებიან.

ზურაბ ჭიაბერაშვილის განცხადებით, ბრალდების მხარის მოწმეების დაკითხვა კიდევ რამდენიმე პროცესზე გაგრძელდება, შემდეგ კი სასამრთლო კოლეგია დაცვის მხარის მოწმეებს მოუსმენს.

„არ დასტურდება არცერთი ბრალი, რომელიც წარგვედგინა. ვანო მერაბიშვილი სხდომას არ დაესწრება. ძალიან მალე მოგვეცემა საშუალება, რომ დაცვის მხარის მოწმეები წარვადგინოთ პროცესზე“, - განაცხადა ზურაბ ჭიაბერაშვილმა.