რუსთაველის გამზირზე ვარდების მოედნის მიმდებარე ტერიტორია გადაკეტილია. "ვარდების მოედანზე" საშობაო ალილოს მსვლელობაში მონაწილეობის მისაღებად ქალაქის სხვადასხვა ადგილებიდან იკრიბებიან.

მსვლელობა 14 საათზე დაიწყება. ამ დროისთვის რუსთაველის გამზირი და კოსტავას ქუჩა გადაიკეტება.

მსვლელობა ვარდების მოედნიდან დაიწყება და რუსთაველის გამზირისა და თავისუფლების მოედნის გავლით სამების საკათედრო ტაძარში დასრულდება.

საპატრიარქოსთან კი ალილოს მონაწილეებს უწმინდესი და უნეტარესი ილია მეორე დახვდებათ, რომელიც მათ ტკბილეულს და საჩუქრებს გადასცემს.

ალილოზე შეგროვებული საჩუქრები ბავშვთა სახლებსა და მიუსაფართა თავშესაფრებს გაუნაწილდება.