"ალილოს" მსვლელობა დღეს 14:00 საათზე ვარდების მოედნიდან დაიწყება და რუსთაველის გამზირის გავლით, სამების საკათედრო ტაძარში დასრულდება. "ალილოს" მსვლელობისას მონაწილეებს და მოსახლეობას შესაძლებლობა ექნება სურვილისამებრ შეწიროს ძღვენი, რომელიც შობის შემდეგ ბავშვთა სახლებს, სასჯელაღსრულების დაწესებულებებსა და მოხუცთა თავშესაფრებს დაურიგდებათ. საშობაო მსვლელობის ორგანიზატორია საქართველოს საპატრიარქო. „ალილოს“ მხარს უჭერს თბილისის მერია.

ქრისტეშობას - 7 იანვარს, თბილისში ტრადიციული საშობაო საზეიმო მსვლელობა „ალილო“ეწყობა. დღესასწაულის მოწყობის ტრადიცია სრულიად საქართველოს კათოლიკოს–პატრიარქის ილია II კურთხევით 2001 წელს აღდგა. მსვლელობაში თბილისის მოსახლეობა, მრევლი და სამღვდელოება მონაწილეობს.