ამის შესახებ არეშიძემ დღეს "პრაიმტაიმის" პრესკლუბში გამართულ ბრიფინგზე განაცხადა. "მე მაინც ვთვლი, რომ საქართველოს ხელისუფლებაში არის საბოტაჟის ელემენტები, ეს განაპირობებებს იმ ამბებსაც რაც ფარცხალაძესთან დაკავშირებით ხდება.

ვიღაცამ კარგად შეფუთა ფარცხალაძის თემა და ისე მიაწოდა ხალხს. ფაქტია რომ ეს შემფუთავი უმაღლეს ხელისუფლებაშია. ძალიან საინტერესო და პარადოქსული ფაქტი მიმდინარეობს ჩვენს თვალ წინ, „ნაციონალების“ დროსაც კი არ მომხდარა ასეთი რამ ჩატარებული ტენდერი რომ გაეუქმებინოს მერიას.

მე ეს ვიცი მედიასაშუალებებიდან და ვხედავ რომ ისეთი ადამიანებიც კი რომლებიც ყოფილ ხელისუფლებას უჭერენ მხარს აცხადებენ რომ ეს არის უგულავას პირადი კაპრიზი. აპელირება მიდის იმით რომ არ არის დამტკიცებული ბიუჯეტი და ამ დროს 50 სხვა ტენდერს აკეთებენ.

ეს ყველაფერი ვერ მოხდებოდა სახელისუფლებო ეშელონებში მყოფი დამხმარე ძალების გარეშე. ამას ისინი ვერ გარისკავდნენ რომ არა ძლიერი მფარველები. ეს არის კოჰაბიტაციის ის ნიმუში რომლის წინააღმდეგაც საზოგადოებამ უნდა იბრძოლოს", - აცხადებს არეშიძე.