5 იანვრის ასტროლოგიური პროგნოზი

საზოგადოება - 11:14, 05 Jan, 2014

2881

ვერძი – დღეს თქვენი გადაწყვეტილებები ბუნდოვანი და საღ აზრს მოკლებული იქნება. თუ მნიშვნელოვანი ნაბიჯის გადადგმას აპირებთ, კონსულტაციისათვის აუცილებლად მიმართეთ გამოცდილ ადამიანებს. წინააღმდეგ შემთხვევაში, თქვენს რეპუტაციას ეჭვქვეშ დააყენებთ.

კურო – შესაძლოა საუკეთესო მეგობართან რომანტიული ურიერთობა წამოიწყოთ ისე, რომ ამას თავადაც ვერ მიხვდეთ. განსაკუთრებით ეს მოსალოდნელია თუ არაფრომალურ გარემოში იმყოფებით, მაგალითად დასასვენებლად უცნობ ადგილას.

ტყუპები – დღის ატმოსფერო დისტანციური კომუნიკაციისათვის შესაფერისია. თუ თქვენი სიმპათიის ობიექტი შორს იმყოფება, ვირტუალური კომუნიკაცია დაგეხმარებათ მასთან სიახლოვეში. დღეს დაკარგული იმედის აღდგენას ელოდეთ.

კირჩხიბი – დღეს გარშემომყოფებს თქვენი მანიპულირების სურვილი გაუჩნდებათ. გამოიჩინეთ სიფრთხილე და გააკეთეთ ის, რასაც თქვენ ჩათვლით საჭიროდ, ნუ იმოქმედებთ სხვების კარნახით.

ლომი – დღეს დაძაბული სამუშაო გრაფიკი გელოდებათ. დოკუმენტებში აღმოაჩენთ ბევრ შეცდომასა და ხარვეზს. ნუ ენდობით ინტუიციას.

ქალწული – არცთუ ისე კარგი დღეა ფინანსური საქმიანობისათვის. თქვენი წარმოდგენები რეალობათან წინააღმდეგობაში მოვა. თუმცა, სხვა სფეროში წარმატება გელით. ნუ მოგერიდებათ თქვენი ნიჭის გამომჟღავნება ფოტო და კინო ხელოვნებაში.

სასწორი – დაძაბული სამუშაო დღე გელით. უარი თქვით ისეთ საქმიანობაზე, რომელიც ზუსტ ანგარიშს და მოსაწყენ სტატისტიკას ეხება. აირჩიეთ ისეთი საქმე, რომელიც თქვენგან შემოქმედებითობას მოითხოვს.

მორიელი – დღეს პროფესიულ მიღწევასა და სამსახურეობრივ ურთიერთობებს თქვენთვის დიდი მნიშვნელობა არ ექნება. სამაგიეროდ, დააფასებთ მყუდრო სახლსა და მეგობრულ ოჯახს. საღამოს ოჯახური შეკრებისათვის არაჩვეულებრივი დროა, კარგი იქნება, თუ ერთად უყურებთ ფილმს, ან დაათვალიერებთ ძველ ფოტოალბომებს.

მშვილდოსანი – შეეცადეთ თავი აარიდოთ რუტინულ საქმიანობას. კარგი დღეა რომანტიული შეხვედრებისათვის. თუ საყვარელი ადამიანი თქვენგან შორს იმყოფება და შეხვედრა შეუძლებელია, შეგიძლიათ ვირტუალური საშუალებით დაეკონტაქტოთ. თუ პატარა ბავშვები გყავთ, ძილის წინ აუცილებლად მოუყევით ზღაპარი.

თხის რქა – დღეს სამსახიობო ნიჭის გამოვლენა მოგიხდებათ. აღმოჩნდებით სიტუაციაში სადაც თავის მოჩვენება აუცილებელი გახდება. საღამოს რომანტიული შეხვედრა გელოდებათ.

მერწყული – კარგი დღეა განმარტოებისათვის. ფოტოგრაფების, თავისუფალი მხატვრების, მუსიკოსების, ფსიქოლოგების, რეჟიორების, ვებ–დიზაინერებისა და რპოგრამისტებისათვის ნაყოფიერი და შემოქმედებითი დღე იქნება.

თევზები – კარგი დღეა საჩუქრების მოსაძიებლად. შეგიძლიათ საყვარელ ადამიანებს სასიამოვნო სიურპრიზი მოუმზადოთ. მაღაზიაში სიფრთხილე გამოიჩინეთ, შესაძლოა ლამაზი რეკლამის მსხვერპლი გახდეთ.