ხვალ, 5 იანვარს, მოსკოვის პროსპექტზე განთავსებულ მიუსაფართა თავშესაფრს მოძრაობის თეატრის მსახიობები ესტუმრებიან. მსახიობები თავშესაფრის მობინადრეებს ახალ წელს მიულოცავენ და იქ მყოფი ბავშვებისთვის თეატრალურ წარმოდგენას - საახალწლო მინი-კარნავალს გამართავენ.

წარმოდგენას, ასევე, დაესწრება საქართველოს რეგიონული განვითარებისა და ინფრასტრუქტურის მინისტრის მოადგილე გიორგი სოლომონია.

ამ დროისთვის მიუსაფართა თავშესაფარში 210 ადამიანი, მათ შორის, შვიდი ბავშვი ცხოვრობს.

თავშესაფრის მობინადრეებისთვის წარმოდგენა 13 საათზე დაიწყება.