აღნიშნულ მაჩვენებელზე ძირითადი გავლენა სურსათისა და უალკოჰოლო სასმელების ჯგუფზე, ფასების ცვლილებამ იქონია. აღნიშნული მონაცემები 4.8 პროცენტით გაიზარდა. ბოსტნეული და ბაღჩეული ფასების 31,7 %-იანი მატებით გამოირჩეოდა.

რძე, ყველი და კვერცხი 1,7%-ით გაძვირდა. ხილი და ყურძენი კი 3,5 %-ით გაიაფდა. ფასების 0,9%-იანი მატება დაფიქსირდა საცხოვრებელის, წყლის, ელექტროენერგიის, აირის ჯგუფზე, 12,8 %-იანი კი - მყარ საწვავზე. ამასთან, 0,9 %-ით გაიაფდა ჯანდაცვა, 1,9 %-ით - ფარმაცევტული ნაწარმი, ხოლო 2,3%-ით - სტომატოლოგიური მომსახურება. 2013 წლის დეკემბერში წინა წელთან შედარებით ინფლაციის დონემ 2,4 % შეადგინა.

აქედან, სურსათი და უალკოჰოლო სასმელები 5,7 %-ით გაძვირდა, ფასების მნიშვნელოვანი ზრდა დაფიქსირდა ბოსტნეულსა და ბაღჩეულზე (44 %), რძის, ყველისა და კვერცხის ჯგუფზე (3 %). ამასთან, ფასები შემცირდა ხილსა და ყურძენზე (-7,3 %), ზეთსა და ცხიმზე (-4%).