კულტურის ყოფილი მინისტრი ნიკა რურუა ,,ფეისბუქის“ გვერდზე საახალწლო მილოცვის ტექსტს აქვეყნებს და 2014 წელს საქართველოს სამომავლო პერსპექტივებზე მიანიშნებს:

,,გილოცავთ, ჩემო მეგობრებო, 2014 წლის დადგომას! ეს წელი გადამწყვეტი იქნება ჩვენი სამშობლოს ისტორიის ამ ეტაპზე, რადგანაც წყდება საქართველოს ევროპულობის ან ევრაზიულობის კუთვნილება, ანუ ჩვენი თავისუფლებისა თუ მონობის საკითხი, და ეს არ წყდება სადღაც მიუწვდომელ შენობებსა და კაბინეტებში; ეს წყდება თითოეული ჩვენგანის სახლში, სამსახურში, მეგობრებში, თავებში და გულებში. ყველა მწირი მიღწევა, რომელიც ჩვენს საერთო სახელმწიფოს აქვს არაა შეუქცევადი და ამ მიღწევების დაცვა ყოველი ჩვენგანის სამოქალაქო ვალია.

გისურვებთ სიძლიერეს, მხურვალე გულს და ძლიერ მაჯას ყველა საქმეში, რომელსაც ემსახურებით, მაგრამ ჩვენ ვერ ვიქნებით ბედნიერნი, თუ ის ქვეყანა, რომელშიც ვცხოვრობთ, არ იქნება ბედნიერი. ამდენად, ჩვენის ქვეყნის ბედნიერება ყოველი ჩვენთაგანის ბედნიერების საფუძველია!

გისურვებთ ამ საფუძვლის გამაგრებასა და გაძლიერებას და კიდევ ერთხელ გილოცავთ ახალ 2014 წელს!!!“, - წერს ნიკა რურუა.