,,ჩემო ძვირფასო ქართველებო, ჩემო თანაპარტიელებო და თანამებრძოლებო, საიმედო მეგობრებო, ერთგულო თანამოაზრეებო, გილოცავთ 2014 წელს! ეს წელი ყოფილიყოს წინგადადგმული ნაბიჯი ყველაზე თამამი მიზნის მიღწევის საქმეში! ამ წელს სითბოთი აევსოს ყოველი თქვენგანის გული, ხვავი და ბარაქა შეეტანოს თქვენს ოჯახში, სიყვარული და ერთობა სრულიად ერში! გილოცავთ ყველას! მალე საქართველოში ღიმილიანი, ბედნიერი სახეები გვენახოს.

ისეთი პატარა ქევყანა, როგორიც საქართველოა, ბევრი ბუნებრივი რესურსით ვერ გამოვირჩევით, მაგრამ სიამაყით შემიძლია ვთქვა რომ გვაქვს მზარდი ადამიანური რესურსი, რაც ნებისმიერი ქვეყნის ფსადაუდებელი მონაპოვარია. ჩვენს მიწაზე გაიზარდნენ გამოჩენილი ადამიანები. ჩვენი ქვეყნის არსებობის ისტორია გვაძლევს სიამაყის საფუძველს.

დღეს განსაკუთრებულად მინდა მივულოცო ახალი 2014 წელი ქართველ ჯარისკაცებს, რომლებიც ოჯახებიდან შორს, ავღანეთში მსახურობენ ერთმენეთის მხარდამხარ! ასევე ქართველ პოლიციელებს, რომლებიც დგანან ჩვენი ოჯახების სიმშვიდის სადარაჯოზე! ვულოცავ იძულებით გადაადგილებულთა ოჯახებს იმ დიდი იმდეით და სურვილით, რომ 2014 წელს საკუთარ სახლებში იცხოვრებენ!

გამორჩეული დამოკიდებულებით და სიამაყით მინდა მივულოცო ეს წელი მიხეილ სააკაშვილს და მის გუნდს! მე მჯერა რომ ჩევნს დაწყებულ საქმეს ბოლომდე მივიყვანთ. ვერავინ ვერ შეძლებს საქართველოს ახალგაზრდობას მომავალი წაართვას!!!! ჩვენ კი მათ დასაცავად მზად ვართ სიცოცხლის უკანასკნელ წუთამდე!

მე ამაყი ვარ, იმიტომ რომ მქვია ბაჩო ახალაიას, ვანო მერაბიშვილის, რომან შამათავას,ზურა შამათავასა და ალექსანდრე გორგაძის მეგობარი; ადამიანების, რომლებმაც საკუთარი მხრებით ააშენეს ქართული დემოკრატიული საზოგადოება!!! მჯერა, რომ სიმართლე ნათელი გახდება და მალე ყველა ერთად (ამ გაურკვეველი პაუზის შემდეგ) გავაგრძელებ ქვეყნის შენებას!

ჩემო საყვარელო ქართველებო, მნიშვნელოვანია ჩვენი ერსულოვანი შრომა, ჩვენი საერთო მიზნის მისაღწევად--რასაც დემოკრატიული, ევროპული საქართველო ჰქვია! ახალი თაობა ჩვენი მომავლის იმედია!!! 2014 წელი ყოფილიყოს საქართველოს ტერიტორიული მთლიანობის , ქართველთა გამრავლებისა და გამარჯვების წელი !!!“, - წერს თენგიზ გუნავა ,,ფეისბუქის“ გვერზე.