25 დეკემბერს, გვიან ღამით დაბა ჩოხატაურის ცენტრში ორი სუპერმარკეტი „ერისიონი“ და „მარულა“ უცნობმა პირებმა გაქურდეს. - ამის შესახებ „გურიის მოამბე“ იტყობინება.

ამასთან, როგორც გამოცემას „მარულას“ მეპატრონემ განუცხადა, ეს მისი კუთვნილი მარკეტის მეორე გაქურდვაა ბოლო ერთი წლის განმავლობაში.

პაატა ოსეფაიშვილმა განაცხადა, რომ მძარცველები შენობაში გვერდით ფანჯრიდან შევიდნენ და დაახლოებით 100 ლარი წაიღეს:

„დაზუსტებული არ არის ზუსტად რა რაოდენობის თანხაა წაღებული, მაღაზიაში თანხას არ ვაჩერებთ, რაც იყო ბოლო რამდენიმე საათის ნავაჭრი, მხოლოდ ის წაიღეს. ვიცი, რომ მომხდარზე აღძრულია საქმე და მიმდინარეობს გამოძიება. ეს ჩემი მაღაზიის გაქურდვის მეორე ფაქტია, ბოლო ერთი წლის განმავლობაში“.