2013 წლის 10 დეკემბერს ახალი ხელისუფლების პირობებში ყველაზე ძვირადღირებული ავტომანქანა, სახელმწიფო დაწესებულებისთვის შეძენილი ავტოსატრანსპორტო საშუალებებიდან მთავარმა პროკურატურამ შეიძინა. - ინფორმაცია „ნიუპოსტს“ სახელმწიფო ტენდერების ანალიზით დაინტერესებულ პირთა ჯგუფმა მიაწოდა, რომელიც ინფორმაციას სოციალურ ქსელებშიც ავრცელებს.

საქმე ეხება ჯიპს LEXUS LX 570, რომელიც 174 575 ლარი ღირს.

მთავარმა პროკურატურამ, სავარაუდოდ, ჯიპის სიძვირის შენიღბვის გამო, შესყიდვის შემდეგი მეთოდი გამოიყენა:

ზემოთაღნიშნული 174 575 ლარიანი „ლექსუსის“ სანაცვლოდ, მომწოდებელს (გამყიდველს) გადასცეს 2008 წლის გამოშვების იგივე მარკის „ლექსუსი“ (საბაზრო ღირებულებით 68 000 ლარი) და, დამატებით გადაუხადეს თანხა 106 575 ლარი, ანუ, დაფარეს სხვაობა გადაცემულ ძველ ჯიპსა და ახალი ჯიპის ფასებს შორის (174 575 - 68 000 = 106 575).

შესაბამის დოკუმენტაციასთან ერთად, „ნიუპოსტი“ გთავაზობთ LEXUS LX 570-ის რამდენიმე ფოტოს, რომლებიც მოპოვებულია „ლექსუსის“ ოფიციალური ვებ-გვერდიდან - lexus.com.