გილოცავთ შობის დღესასწაულს

საქართველო რელიგიურად მრავალფეროვანი და ტოლერანტული ქვეყანაა. ბათუმი არსებობის დღიდანვე გამოირჩევა სარწმუნოებისა და ეროვნებათა სიჭრელით. ჩვენ რეგიონში საუკუნეების მანძილზე ერთმანეთის გვერდით ცხოვრობენ სხვადასხვა მრწამსის ადამიანები, მათ შორის კათოლიკები. ისინი ჩვენი რეგიონის ღირსეულ ნაწილს წარმოადგენენ. ადგილობრივ კათოლიკებს დიდი წვლილი მიუძღვით ჩვენი ქალაქის აღმშენებლობაში, კულტურულ, საზოგადოებრივ და საგანმანათლებლო საქმიანობაში. აჭარაში მრეწველობისა და ვაჭრობის განვითარებაში.

დღეს კათოლიკური სამყარო ქრისტეს შობის დღეს არნიშნავს. ეს არის დღესასწაული, რომელიც ახალი წელთაღრიცხვის დაწყების სიმბოლოდ ითვლება. მინდა ყველა კათოლიკეს, განსაკუთრებით კი ჩვენს რეგიონში მცხოვრებთ მივულოცო ეს დიდი დღესასწაული და თითოეულის ოჯახს ვუსურვო ჯანმრთელობა და კეთილდღეობა.