დღეს ირაკლი ოქრუაშვილის საქმეზე სასამართლო გაიმართება

სამართალი - 14:03, 20 Nov, 2012

559

ზვიად კორძაძისთვის უცნობია, აპირებს თუ არა ოქრუაშვილი ყოფილი ჩინოვნიკების წინააღმდეგ გახმაურებულ საქმეებზე ჩვენებების მიცემას.კორძაძის თქმით, ჯერჯერობით უცნობია, საბოლოოდ რა გადაწყვეტილებას მიიღებს საქართველოს პარლამენტი და ამასთან, დღევანდელი კანონმდებლობით პოლიტიკური პატიმრის ან პოლიტიკური დევნილის სტატუსი ავტომატურად გათავისუფლებას არ ითვალისწინებს.ირაკლი ოქრუაშვილი საპროცესო გარიგებაზე წასვლას არ აპირებს.
თავდაცვის ყოფილი მინისტრის ირაკლი ოქრუაშვილის ადვოკატები თბილისის საქალაქო სასამართლოს 2008 წლის 28 მარტის განაჩენს, რომელიც ოქრუაშვილისთვის 11 წლით თავისუფლების აღკვეთას ითვალისწინებს, სააპელაციო სასამართლოში დღეს გაასაჩივრებენ.
"2008 წლის 28 მარტის განაჩენს, რომელიც "ჯეოსელის" საქმეს უკავშირდება და ქრთამის აღების ბრალდებით ირაკლი ოქრუაშვილისთვის დაუსწრებლად 11 წლით თავისუფლების აღკვეთას გულისხმობს, ჩვენ სააპელაციო სასამართლოში გავასაჩივრებთ.საქალაქო სასამართლოში დღეს ჩანიშნული პროცესი 26 მაისის მოვლენებს და უკანონო ფორმირების შექმნასა და ხელმძღვანელობის ბრალდებას უკავშირდება. ჩვენს არგუმენტებს სასამართლოზე წარმოვადგენთ, რადგან ვფიქრობთ, რომ არავითარი მტკიცებულება პროკურატურას არ აქვს. არსებობს მხოლოდ ვიღაცის ნათქვამი, რომელიც არ შეიძლება მტკიცებულად გამოდგეს", - აღნიშნა ოქრუაშვილის ადვოკატმა.