ადვოკატმა ზვიად კორძაძემ ოქრუაშვილთან დაკავშირებით განმარტებები გააკეთა

სამართალი - 13:28, 20 Nov, 2012

508

ამ დროისათვის ოქრუაშვილმა იცის, და ეიმედება საქართველოს სასამართლო და ობიექტურად მისი საქმის გამოძიების მიზნით მან საქართველოში დაბრუნება გადაწყვიტა.ოქრუაშვილის ადვოკატის განმარტებით, ყველა ბრალდებასთან დაკავშირებით არსებობს არგუმენტი, რომლითაც მას თავდაცვის ყოფილი მინისტრის უდანაშაულობის დამტკიცება შეუძლია.

"დღეს თბილისის საქალაქო სასამართლოში დანიშნულია სასამართლო განხილვა ერთ-ერთ ბრალდებასთან დაკავშირებით, რომელიც ირაკლი ოქრუაშვილის მიმართ არის წარდგენილი. ბატონი ირაკლი ჩამოვიდა აღნიშნულ სასამართლო სხდომაზე დასასწრებად. მოგეხსენებათ, რომ ოქრუაშვილის მიმართ ერთ საქმესთან დაკავშირებით უკვე არსებობს განაჩენი, რომლითაც მას მისჯილი აქვს 11-წლიანი თავისუფლების აღკვეთა, შესაბამისად, მიუხედავად იმისა, თუ რა გადაწყვეტილებას მიიღებს დღეს სასამართლო, ირაკლი ოქრუაშვილი პატიმრობაში დარჩება. ის ამას აცნობიერებდა, როცა საქართველოში მოდიოდა. ბატონი ირაკლის ჩამოსვლის მოტივი არის ის, რომ ერთის მხრივ, არ აპირებს მუდმივად სხვა ქვეყანაში ცხოვრებას, მეორეს მხრივ კი ქვეყანაში შექმნილმა ცვილლებმა სამართლიანი სასამართლოს იმედი გაუჩინა _ ირაკლი ოქრუაშვილი აპირებს, დაამტკიცოს თავისი სიმართლე, მათ შორის საპატიმროდან, რამდენ ხანსაც მოუწევს იმდენ ხანს იქნება იქ", - აღნიშნა ზვიად კორძაძემ.