პრემიერმინისტრის ყოფილი მრჩეველი გია ხუხაშვილი აცხადებს, რომ „ნაციონალურ მოძრაობას“ აქვს კიდევ ძალიან ბევრი დოსიე საშუალო რანგის ჩინოვნიკებზე, რომლებიც საჭიროების შემთხვევაში, გამჟღავნდება:

„ეს ინფორმაცია ოთარ ფარცხალაძის შესახებ მათ დღეს არ გაუგიათ, ეს ინფორმაცია ჰქონდათ და მაშინ გამოიყენეს, როცა დასჭირდათ. კიდევ ბევრი ექნება მსგავსი კომპრომატები და ხელისუფლებას მოვუწოდებ, გაერკვეს, რა ხდება ამ საშუალო რგოლში, ვიზე მუშაობენ ეს ადამიანები?“, - სვამს კითხვას გია ხუხაშვილი გადაცემაში „არჩევანი“.

გია ხუხაშვილი აცხადებს, რომ ის პირადად არ იცნობს ოთარ ფარცხალაძეს, მაგრამ მის ადგილზე თავად მიიღებდა გადაწყვეტილებას და ხელისუფლებას არ ჩააყენებდა უხერხულ მდგომარეობაში: „შეიძლება ის ძალიან ღირსეული ადამიანია, პირადად მე მას არ ვიცნობ, რამდენჯერმე მექნება ნათქვამი გამარჯობა, მაგრამ მის ადგილზე თავად მივიღებდი გადაწყვეტილებას“, - თქვა ხუხაშვილმა.

გადაცემის წამყვანის შეკითხვაზე: „როგორი იქნებოდა ეს გადაწყვეტილება?“ უპასუხა: „მე ჩავაბარე უკვე ძალაუფლების ეს გამოცდა, როცა ძალიან ბევრი სიბინძურე იწერებოდა ჩემზე და მეხელისუფლებიდან წავედი“.

გია ხუხაშვილი ასევე ამბობს, რომ „ეს თემა არ ჩაიხურება“ და ხელისუფლებას ჩააგდებს უფრო უარეს სიტუაციაში.

მისივე თქმით, „ამის გამო პრობლემები შეიქმნება უცხოეთშიც“.