გარემოსდაცვითი ზედამხედველობის დეპარტამენტის ქ.თბილისის სწრაფი რეაგირების სამსახურის თანამშრომლების მიერ გამოვლენილი იქნა უკანონოდ მოპოვებული „კვიპტომერიის“და „ნაძვის“ ჯიშის რეალიზაციის ფაქტები. კერძოდ, მეტრო სადგურ „სამგორის“, მოსკოვის გამზირისა და სპორტის სასახლის მიმდებარე ტერიტორიებზე, სამართალდამრღვევები ანხორციელებდნენ უკანონოდ მოპოვებული 347 ერთეული „კვიპტომერიის“ჯიშის და 29 ერთეული „ნაძვის“ ჯიშის ნერგის რეალიზაციას. ადმინისტრაციული კოდექსის შესაბამისი მუხლების საფუძველზე,კანონდამრღვევების მიმართ შედგენილი იქნა ადმინისტრაციული სამართალდარღვევის 3 ოქმი. გარემოსდაცვითი ზედამხედველობის თანამშრომლების მიერ ჩამორთმეული და დალუქულია უკანონოდ მოპოვებული ნერგები.

ზედამხედველობის დეპარტამენტი,გარემოსდაცვითი კანონმდებლობის დარღვევის ფაქტების აღმოსაფხვრელად,მომავალშიც გააგრძელებს პრევენციული ღონისძიებების გატარებას.