პრეზიდენტის ადმინისტრაციის ყოფილი უფროსი ანდრო ბარნოვი მთავარ პროკურორთან დაკავშირებით მომხდარ სკანდალს ეხმიანება და სოციალურ ქსელში წერს:

"მთავრობის განცხადებებს ისეთი ტონი აქვს, მგონი აღიარებენ, რომ პროკურორი ნასამართლევია, თუმცა ძველი საქმეა და კანონი აძლევს მუშაობის უფლებასო, ამბობენ. მინდა, ამ ხალხს ვუთხრა, არ ვერჩით ფარცხალაძეს პირადად, არ ვიცნობთ საერთოდ, ვინ არის.

მისი ქმედებები გვაღელვებს, რადგან ძალიან გავს გაუნათლებელი და აგრესიული ადამიანის მოქმედებებს. გუშინდელი მისი "პასუხიც" ამასვე ადასტურებს.

მაგრამ ეს ყველაფერი რომ გვერდზე გავწიოთ, პროკურორი არ შეიძლება იყოს ნასამართლევი და თანაც ყაჩაღურ ქურდობაზე. ნუთუ, ესეც გაუგებარია?"