ლეჩხუმში მომხდარ ავარიას ორი ახალგაზრდა ემსხვერპლა. 21 და 28 წლის გიორგი სანთელაძე და ლაშა ცხვედიანი მსუბუქი ავტომობილით მოძრაობდნენ, რა დროსაც ავარიაში მოყვნენ.

"ეს ისეთი ტკივილი და ტრაგედიაა, რომ ვერც გადმოვცემ სიტყვებით, უბრალოდ ჩაგლეჯილი გულით ვიტყვი, რომ ჩემი შვილების მეგობრები, ჩემი ნიკუშას ძმაკაცი გიორგი სანთელაძე და მისი დეიდაშვილი ლაშა ცხვედიანი წავიდნენ ამ ქვეყნიდან. სანთელ, სულითაც ულამაზესო ბიჭო, ოჯახის წევრად მიგვაჩნდი და შვილივით მიყვარხარ. შენნაირი გულიანი, კეთილშობილი, გაბრწყინებული სახის და მუდამ ღიმილიანი მე სხვა არ მინახავს. ღმერთო, რა ბედნიერი ვიქნებოდი, რომ თქვენს მაგივრად მე ვყოფილიყავი იმ მანქანაში.

სანთელ, ლაშა, უამრავი ადამიანის გაუსაძლისი ტკივილი ხართ", - წერს ოჯახის ახლობელი შალვა შენგელი სოციალურ ქსელში.