კრიშტიანო რონალდოს ტრანსფერის საქმეში სიტუაცია ელვის სისწრაფით შეიცვალა. დიდი ხანია გარკვეული იყო, რომ პორტუგალიელი მეგავარსკვლავი "იუვენტუსიდან" მიდიოდა, იგი თანაგუნდელებსაც დაემშვიდობა და ტურინიდან მანჩესტერში გაფრინდა, მაგრამ... არა "სიტიში", არამედ "იუნაიტედში".

ამის შესახებ "მანიუს" ოფიციალურმა გვერდმა ბმული გამოაქვეყნა წარწერით "Welcome home, Cristiano Ronaldo".

ბოლო ინფორმაციით, რომელიც ასევე დადასტურდა, მოლაპარაკებებში თვით სერ ალექს ფერგიუსონიც ჩაერთო. მან პირადად დაურეკა კრიშტიანოს და "მანჩესტერ იუნაიტედის" სახელით 2-წლიანი კონტრაქტი შესთავაზა.

შეგახსენებთ, რომ "მანჩესტერ იუნაიტედში" ის 2003-09 წლებში თამაშობდა. ლეგენდარული კლუბის მაისურით კრიშტიანომ ყველა ტურნირში 292 მატჩი ჩაატარა და 118 გოლი გაიტანა.