"ჩემი პრემიერობის დროს გიორგი რურუასთვის იარაღი არ ჩაუდიათ" - გიორგი გახარია ისევ უარყოფს, რომ მისი პრემიერობის დროს "მთავარი არხის" დამფუძნებელს იარაღი ჩაუდეს.

თუმცა, ექსპრემიერი ჩადებებში იმ გუნდს ადანაშაულებს, რომლის ლიდერიც რამდენიმე თვის წინ თავად იყო და აცხადებს, რომ მისი პარტიის წევრს იარაღი ჩაუდო "ქართულმა ოცნებამ".

ოპოზიციაში წასული გახარიას მთავარი არგუმენტი გიორგი რურუას საქმეზე ის არის, რომ სასამართლომ "მთავარი არხის" დამფუძნებელს გამამტყუნებელი განაჩენი გამოუტანა.