2 ოქტომბრის ადგილობრივი თვითმმართველობის არჩევნებისთვის ეუთოს დემოკრატიული ინსტიტუტებისა და ადამიანის უფლებათა ოფისის (ODIHR) სადამკვირვებლო მისიის 30 გრძელვადიანი დამკვირვებელი უახლოეს ხანში ჩამოვა - ინფორმაციას საქართველოს საგარეო საქმეთა სამინისტრო ავრცელებს.

დამკვირვებელთა ჩამოსვლის საკითხი საგარეო საქმეთა მინისტრის მოადგილეს ალექსანდე ხვთისიაშვილსა და ეუთოს დემოკრატიული ინსტიტუტებისა და ადამიანის უფლებათა ოფისის სადამკვირვებლო მისიის ხელმძღვანელს, ალბერტ იონსონს შორის გამართულ შეხვედრაზე განიხილეს.

"ალექსანდრე ხვთისიაშვილმა სადამკვირვებლო მისიის ხელმძღვანელობას მიაწოდა ინფორმაცია კოვიდ-19 პანდემიის კუთხით ქვეყანაში არსებული ვითარების და აღნიშნულის გათვალისწინებით საერთაშორისო დამკვირვებლების საქართველოში შეუფერხებელ ჩამოსვლასთან და მისიის საქმიანობის სრულფასოვნად შესრულებასთან დაკავშირებული საკითხების შესახებ," - აღნიშნულია საგარეო საქმეთა სამინისტროს ინფორმაციაში.

ცნობისთვის, ადგილობრივი თვითმმართველობის არჩევნები 2 ოქტომბერსაა დანიშნული