2 ოქტომბერს "ოცნება" დამარცხდება და შემდეგ პასუხისმგებლიან მთავრობასთან ერთად დამარცხდება პანდემიაც

2 ოქტომბერს "ოცნება" დამარცხდება და შემდეგ პასუხისმგებლიან მთავრობასთან ერთად დამარცხდება პანდემიაც - ობოლაძე

პოლიტიკა - 15:26, 25 Aug, 2021

1067

ერთიანი ნაციონალური მოძრაობის წარმომადგენელი ნიკა ობოლაძე ქვეყანაში არსებულ მძიმე ეპიდემიოლოგიურ ვითარებაზე საუბრობს და აღნიშნავს, რომ ამ კატასტროფამდე მთავრობის პოლიტიკის შედეგად მივედით. " პირველ რიგში მივმართავ საზოგადოებას, ქვეყანაში არის უმძიმესი ეპიდემიოლოგიური ვითარება, ამიტომ დავიცვათ წესები, გამოვიყენოთ პირბადე, ჩავერთოთ ვაქცინაციის პროცესში, ნუ ვიქნებით მთავრობის იმედზე, ჩვენ არ გვყავს მთავრობა, ჩენ და სამედიცინო საზოგადოება ახლა ვართ მარტო და ჩვენს თავს და ჩვენთვის საყვარელ სიცოცხლეებს თავად უნდა გავუფრთხილდეთ - ექიმების რესურსს აქვს საზღვარი და ეს ზღვარი მიღწეულია. საზოგადოებას აქვს უფლება იცოდეს რა ხდება საქართველოში. პანდემის დასაწყისიდან დღემდე, ჯამში, 1 მილიონ ადამიანზე გაანგარიშებით, საქართველო კოვიდ 19 ის გავრცელების რაოდენობით, 10 ყველაზე ცუდი შედეგის მქონე ქვეყანას შორისაა. კატასტროფული მდგომარეობაა აგვისტოში, სადაც უკვე 1100 ადამიანი გარდაიცვალა და გარდაცვალების მიხედვით, ბოლო 1 კვირაში, 1 მილიონ ადამიანზე გაანგარიებით საქართველო მსოფლიოში პირველ - პირველ ადგილზეა. ეს კატასტრობაა - ამ კატასტროფამდე მოვედით მთავრობის პოლიტიკის შედეგად. პანდემიის მართვის მოტივით ბოლო 2 წელიწადში სახელმწიფო ვალი 15 მილიარდი ლარით გაიზარდა, რაც ოჯახზე 15 000 ლარია - ეს ფული თქვენამდე არ მოსულა. მათ ვერ გამართეს ჯანდაცვის სისტემა მათ არ გამართეს და დრამატუალდ დააგვიანეს ვაქცინაცისი პროცესის დაწყება მათ დააწესეს შერჩვითი რეგუალციები: ამის ნათელი მაგალითია შერჩვითად საზ. ტრანსპორტის გაჩრება, სადაც ყველაზე მეტად იყო დაცული პირბადის გამოყენების წესი და ამ წესის გამოკნტროლება იყო უმარტივესი. ამ რეგულაციით მთავრობამ გაუწამა ცხოვრება იმ ადამიანებს, ვინც პატიოსნად იყენებდა პირბადეს და იყენებდა საზ. ტრანსპორტს აუცილებელი საჭიროებიდან გამომდინარე. დღეს ჩვენ გვაქვს სიტუაცია როდესაც პირბადით, აუცილებელი საჭიროებიდან გამომდინარე საზოგადოებრივ ტრანსპორტში შესვლა არ შეიძლება მაგრამ უპირბადოთ ქეიფი შეიძლება - როგორც ღარიბაშვილმა თქვა, ქეიფი დანაშაული არ არის. ამ სრული კატასტროფის და ტრაგედიის დროს, დამალული მმართველი პარტიის თავმჯდომარე გამოჩნდა და გამოხატა მისი მთავარი წუხილი და გააჟღერა მიზანი - ნაციონალური მოძრაობის დამარცხება. სულ მცირე პასუხიამგებლობა რომ ქონოდა დამალულ კობახიძეს, გამოჩენისას პანდემიის დამარცხებაზე უნდა ელაპარაკა და არა ნაციონალურ მოძრაობაზე. მსგავსი მასშტაბის არაადეკვარურობა კიდევ ერთხელ, უმკაფიოესად წარმოაჩენს 2 ოქტომბრის რედერენდუმისს არსს: გვინდა მთავრობა ვინც ამ კატასტროფამდე მოგვიყვანა და ახლაც ვერ გრძნობს პასუხისმგებლობას თუ გვინდა პასუხისმგებლიანი, კოალიციური მთავრობა. ჩვენ, 2 ოქტომბრამდე, სისტემატურად მოგაწვდით რეალურ ინფორმაციას ქვეყანაში შექმნილ კოვიდ კრიზისზე და მოგაწვდით ინფორმაციას იმ კონკრეტულ ნაბიჯებზე, რაც საჭიროა იმისთვის რომ შევამციროთ ტრაგედიების რაოდენობა, შემდეგ უკვე- ეჭვგარეშეა, 2 ოქტომბერს ქართველი ხალხი დაამარცხებს ოცნებას და შემდეგ პასუხისმგებლიან მთავრობასთან ერთად დაამარცხებს პანდემიას."