10 აგვისტოდან დაჯარიმდა 42 ობიექტი, აქედან 26 იურიდიული და 21 ფიზიკური პირი - ინფორმაციას შრომის ინსპექციის სამსახურის უფროსი, ბექა ფერაძე ავრცელებს.

მისივე განცხაედებით, "კვლავ მიმდინარეობს ე.წ. შენიღბული სოციალური ღონისძიებები" და განმეორებით სამართალდარღვევის ჩადენისთვის, 10 აგვისტოს შემდეგ 21 ობიექტი დაილუქა.

"ჩვენ წინა პერიოდიდან გვაქვს გამოცდილება, როდესაც ე.წ. შენიღბული სოციალური ღონისძიებები მიმდინარეობს. 6 ადამიანია მაგიდასთან, თითქოს ეს არის არაერთი სოციალური ღონისძიება, არამედ ერთმანეთისგან დამოუკიდებელი",- ამბობს ფერაძე.

მისივე თქმით, ჯანდაცვის სამინისტროს პროტოკოლის მიხედვით, კვების ობიექტში 60 ადამიანი უნდა იყოს განთავსებული. კვლავ იკრძალება ისეთი სოციალური ღონისძიებები, რომელიც დაკავშირებულია 10-ზე მეტი ფიზიკური პირის შეკრებასთან.

შეგახსენებთ, რომ საკოორდინაციო საბჭოს დღევანდელი გადაწყვეტილებით, ხვალიდან, 25 აგვისტოდან კვების ობიექტები 23-ის ნაცვლად, 22 საათამდე იმუშავებენ.