დიღმის საველე ჰოსპიტალში 91 კოვიდინფიცირებული მკურნალობს - ამის შესახებ საველე ჰოსპიტლების კოორდინატორმა, რევაზ კუჭუხიძემ, განაცხადა.

როგორც კუჭუხიძე ამბობს, პაციენტების უმეტესობა საშუალო სიმძიმისაა, რამდენიმე პაციენტი კი საყურადღებოა.მისივე თქმით, შესაძლოა ეს პაციენტები დღის განმავლობაში კლინიკებში გადაიყვანონ.

23 აგვისტოს გვიან ღამით დიღმის საველე ჰოსპიტლიდან ერთი პაციენტი კლინიკაში გადაიყვანეს.

"დღევანდელი დღის მდგომარეობით, ჰოსპიტალში 91 პაციენტი იმყოფება. მათი ძირითადი მდგომარეობა არის საშუალო სიმძიმის. რამდენიმე პაციენტი საყურადღებოა და შესაძლებელია, მათი რეფერირება განხორციელდეს დღეს, დღის განმავლობაში პროფილურ სამედიცინო დაწესებულებაში. წუხელ მოხდა ერთი პაციენტის რეფერირება პოლიტპრფილურ სამედიცინო დაწესებულებაში",-თქვა რევაზ კუჭუხიძემ.

ცნობისთვის, დიღმის საველე ჰოსპიტალში პაციენტების მიღება 20 ივლისიდან დაიწყო. ჰოსპიტალში 500-მდე საწოლია მობილიზებული.