დაავადებათა კონტროლის ეროვნული ცენტრის დირექტორი, ამირან გამყრელიძე, ვაქცინაციის პროცესზე საუბრობს და აცხადებს, რომ აქვთ მოლოდინი აცრათა საერთო რაოდენობა 600-650 ათასამდე ავა.

მისივე შეფასებით, სექტემბერში თუ 800-900 ათასამდე ავალთ ეპიდსიტუაციას "სერიოზულად გადავტეხთ წელში":

"აგვისტოში ველოდებით, რომ საერთო აცრათა რაოდენობა გვექნება 600-650 ათასი. სექტემბერში თუ შევძელით და ავედით 800-900 ათასზე და, რა თქმა უნდა, უკეთესი იქნება მილიონი აცრა, ოქტომბერშიც დაახლოებით ამდენი, დარწმუნებული იყავით, ეპიდსიტუაციას სერიოზულად გადავტეხთ წელში და დავასტაბილიზებთ ისე, რომ შემდგომ თანდათან გავიდეთ სამიზნე მაჩვენებელზე, მხედველობაში მაქვს მოზრდილი მოსახლეობის 60%-ის აცრა. ეს გარკვეულად იქნება იმის წინაპირობა, რომ ახალ წელს ქვეყანა შედარებით მშვიდად შეხვდეს".