აბაშის მუნიციპალიტეტში, სოფელ გულეისკარში, მდინარე რიონში 12 წლის მოზარდის სამძებრო სამუშაოები გრძელდება.

ოჯახის წევრების ინფორმაციით, მოზარდი გუშინ, 21 აგვისტოს, სათევზაოდ იყო წასული, დაახლოებით შუადღის 4 საათისკენ კი მისი კვალი მდინარეში გაქრა.

მათივე თქმით, მყვინთავებს რამდენიმე საათის განმავლობაში ელოდებოდნენ, რომლებიც ადგილზე მხოლოდ საღამოს 8 საათისთვის მივიდნენ და იმის გამო, რომ ხილვადობა გართულდა, სამძებრო სამუშაოები მხოლოდ 1 საათს გაგრძელდა. ვითარებას ართულებს ისიც, რომ ბოლო დღეების გადაუღებელი წვიმების გამო, მდინარე ადიდებულია.

სამძებრო სამუშაოებში ჩართული არიან მყვინთავები და სპეციალური მოწყობილობებიც.