როგორც ცნობილია, გიორგი მელაძე გამოძიებასთან თანამშრომლობას აპირებს და 13:00 საათზე უწყებაში მისვლას გეგმავს. თუმცა, მისთვის უცნობია თუ რა კითხვები აქვს გამოძიებას.

„დღეს პირველ საათზე დაბარებული ვარ გენერალურ პროკურატურაში მოწმის სტატუსით, გამომდინარე იქიდან, რომ აღნიშნულ საკითხზე დაკითხულია „ერთიანი ნაიცონალური მოძრაობის“ ათასობით წევრი.

მე არ ვაპირებ გამოვიყენო დეპუტატის მანდატი, მივალ პროკურატურაში და ყველა კითხვას პასუხს გავცემ“, - აცხადებს მელაძე.

საქმე ეხება გ. მელაძის ქ. თბილისის ვიცე-მერის თანამდებობაზე მუშაობის პერიოდში დედაქალაქის რეაბილიტაცია-განვითარების მიზნით, აიპ „თბილისის განვითარების ფონდისთვის“ გამოყოფილი დიდი ოდენობით სახელმწიფო სახსრების მართლსაწინააღმდეგო გაფლანგვის ფაქტებს.