სისხლიანი გარჩევა წინანდალში - მოკლული ნიკა კენჭოშვილის ოჯახის წევრები დუმილს არღვევენ.

გარდაცვლილის მამა აცხადებს, რომ მისი შვილი მშრომელი ადამიანი იყო და წინანდალში ფიზიკურად შრომობდა, რათა ოჯახს დახმარებოდა:

"ჩემი შვილი მშრომელი, პატიოსანი ბიჭი და ვაჟკაცი ადამიანი იყო. წინანდალში ჩასული იყო იმისთვის, რომ ემუშავა და ფინანსურად დახმარებოდა ოჯახს. ფიზიკურად შრომობდა, რა ბიზნეს წილები? მე ზვიადაურით ვამაყობდი. ამ ადამიანზე არაფერი ვიცი, ალბათ, მოიქცა ისე, როგორც საჭიროდ ჩათვალა, მაგრამ მას შეეძლო, უფრო მეტი გაეკეთებინა თავიდანვე. იმ ოჯახს მინდა, პირველ რიგში, მივუსამძიმრო, ვხვდები, იქაც რა ხდება"- აცხადებს გარდაცვლილის მამა.