ახალ ზელანდიაში, ბოლო 6-თვეში კორონავირუსის პირველი შემთხვევა გამოვლინა- ქვეყანაში ლოქდაუნი გამოცხადდა.

ვირუსი ოკლენდში კაცს დაუფიქსირდა და ის ერთი კვირის განმავლობაში კარანტინში იქნება, პარალელურად კი მომდევნო სამი დღე მთელ ქვეყანაში ლოქდაუნი იმოქმედებს. ქალაქი კორომანდელი, სადაც ინფიცირებული იმყოფებოდა, ერთი კვირით ჩაიკეტება. მიიჩნევა, რომ 58 წლის კაცი ინფიცირებულია გასული ხუთშაბათის შემდეგ.

პრემიერმინისტრის, ჯასინდა არდერნის თქმით, საჭიროა ყველაზე მკაცრი ზომები, სკოლებისა და ოფისების დაკეტვა.

"მინდა დავარწმუნო ახალ ზელანდიელები, რომ ჩვენ ვგეგმავდით ამ შემთხვევას. დროულად და მკაცრად მოქმედება აქამდე დაგვხმარებია", - განაცხადა მან.

ხელისუფლებაში ვარაუდობენ, რომ ახალი შემთხვევა დელტა შტამს უკავშირდება.